Destacan pola súa calidade técnica e a súa variada natureza que reflicten os acontecementos políticos e culturais que tiveron lugar en Europa ao longo do Renacemento: a invención da imprenta, a popularización do libro como soporte de transmisión de ideas, a crise política e relixiosa que trouxo a Reforma de Lutero, os descubrimentos xeográficos, etc.

A colección reflicte as repercusións que o momento histórico tivo na historia do libro e en concreto na historia do gravado: primeiras técnicas de estampación (gravado en madeira e gravado en metal) e a súa evolución, novos tipos de ilustracións e ornamentos, deseños de portadas, retratos de personaxes relevantes e a influencia que tivo noutros artistas europeos.