Gravado flamenco-holandés
A colección de gravados flamencos e holandeses da Biblioteca Nacional de España é moi ampla e de gran relevancia. Están representados todos os artistas importantes, tanto creadores de gravados soltos como de libros ilustrados. E, en especial, destaca pola súa calidade técnica e beleza a obra correspondente aos séculos XVI e XVII.
Entre os principais artistas consérvase a obra de Rembrandt e estampas inspiradas en debuxos de Rubens, cuxos traballos tiveron unha enorme influencia na difusión da súa pintura e nos artistas coetáneos. De igual modo, cabe destacar a obra doutros autores como Jan Lievens, Ferdinand Bol, Cornelis Visscher e Crispijn van de Passe, o vello. A temática relixiosa é moi común, pero abundan tamén as escenas de costumes, as mitológicas, as paisaxes e magníficos retratos. Dominaron a técnica do buril e o aguafuerte da que foron mestres.
