Zer da?

ISOren zenbaki estandar global egiaztatua da ISNI, edozein motatako obra intelektualak sortzen eta banatzen esku hartzen duten egile pertsonal zein korporatiboak identifikatzeko. Egileok, besteak beste, ikerlariak, asmatzaileak, idazleak, artistak, ikusmenezko sortzaileak, interpreteak, ekoizleak eta argitaratzaileak izan daitezke. Obra-identifikatzaileak, grabazioak, produktuak nahiz edukien titularrak jasotzen dituzten nazioarteko identifikatzaile estandarizatuen familiakoa da, edozein errepertoriotakoak, besteak beste: DOI, ISAN, ISBN, ISRC, ISSN, ISTC e ISWC.

ISNI International Authority (ISNI-IA) erakundearen helburua da ikertzailearen, asmatzailearen eta abarren izen publikoari/publikoei identifikazio-zenbaki bakar eta iraunkorra esleitzea, bilaketan izen-anbiguotasun arazorik egon ez dadin, bai eta mundu osoko errepertorioei esleitutako ISNIa zabaltzea ere, argitaratzen den obra bakoitza argi eta garbi bere sortzaileari eratxiki dakion.

Nork eska dezake?

Espainiako Liburutegi Nazionalak ISNI zenbakien eskaerak izapidetzen ditu gutxienez baldintza hauetako bat betetzen duten egile nahiz entitateetarako:

• Espainian lan egiten duten egile edo entitate espainiarrak
• BNEaren katalogoan dauden egileak edo entitateak.

Nola lortu?

Espainiako Liburutegi Nazionaleko ISNI identifikatzaileen erregistro-zerbitzua etenda dago aldi baterako. Mesedez, kontsultatu ISNIren orria beste erregistro-agentzia batzuei buruzko informazio gehiagorako.